Essentials for a Successful Marriage

Untitled“Success in marriage does not come merely through finding the right mate, but through being the right mate.” – Barnett R. Brickner «ለተሳካ ትዳር የሚያስፈልጉ ወሳኝ ነገሮች»
‹‹የተሳካ ትዳር የሚገኘው ትክክለኛውን አጋር በማግኘት ብቻ ሳይሆን ትክክለኛውን አጋር ሆኖ በመገኘት ነው፡፡›› ባርነት አር.ብርክነር
በትዳር ውስጥ ትክክለኛውን አጋር ሆኖ ለመገኘት ይረዳዎ ዘንድ እነዚህን 8 ወሳኝ ነገሮች እነሆ፡-
1. ፍቅር /ፅናት
ፍቅር ማለት በአጋር ላይ የመፅናት ውሳኔ ነው ፡፡ ከቴሌቪዥን ድራማዎች እንዲሁም ከፍቅር ልብወለዶች ላይ እንደምናየው ወጣ ወይም ጎላ ያለ ስሜት የራቀ ነው፡፡ ይህ ጎላ ያለ ስሜት ሊመጣም ሊሄድም ይችላል ነገር ግን ትክክለኛ ጽናት ማብቂያ ነጥብ አይኖረውም ፡፡ ይህ በእውነት ሲተገበር ግን እውነተኛ ፍቅር ሊገለጽ ይችላል ፡፡ ፍቅር ማለት ውጣ ውረዶችን ፤ መጥፎ እና ጥሩዎችን እስከ መጨረሻው አብሮ የመጋፈጥ ቃልኪዳን ሲሆን የነገሮች ሂደት በጥሩ ሁኔታ እየቀጠለ ከሆነ ይህን ፅናት ለመተግበር ቀላል ሊሆን ይችላል ፡፡ ይህ እውነተኛ ፍቅር ወይም ፅናት በደንብ የሚታየው በህይወት ውጣ ውረዶች እና ፈተናዎች አብሮ ሆኖ በመጽናት ነው፡፡
2. ወሲባዊ ታማኝነት
ወሲባዊ ታማኝነት ሲባል በትዳር ውስጥ ከአካላዊ ያለፈ ምናባዊ ሀሳቦችንም ይጨምራል፡፡ ይህ ሀሳብ አእምሮ ልባችን እንዲሁም መንፈሳችንን ጭምር ያካትታል፡፡ አእምሮአችን ሌላ ሰውን በምናብ ማሰብ ከጀመረ እለት ጀምሮ ከትዳር አጋራችን ጋር የነበረንን ወሲባዊ ታማኝነት መስዋዕት አድርገናል ማለት ነው፡፡ ወሲባዊ ፍላጎትዎን ሁልጊዜም በመቆጣጠር ከትዳር አጋርዎ ጋር ይጋሩት፡፡
ወሲባዊ ታማኝነት ከሚያስፈልጋቸው ነገሮች የራስ ስነስርአት እንዲሁም ወደፊት ሰለሚያስከትለው ችግር ቀድሞ ማሰብ ወሳኝ ሚና ይጫወታሉ ምንም አይነት የእርሶን ታማኝነት ጥያቄ ውስጥ ሊከቱ የሚችሉ ነገሮች ሲያጋጥምዎ አይንዎን፤ ሰውነት እንዲሁም ልብዎተን በደንብ በመቆጣጠር እምቢ ወይንም አይሆንም ከማለት ወደ ኋላ አይበሉ፡
3. ትህትና
ሁላችንም ትህትናን የማጣት መጥፎ ጎን ይኖረናል በትዳር ግንኙነት ውስጥ ስንሆን ደግሞ ይህ ችግራችን ወጥቶ ለመታየት ይፈጥናል፡፡ ስኬታማ ትዳርን ለመገንባት በጣም ወሳኝ ከሚባሉ ነገሮች አንዱ ፍጹም አለመሆንን መቀበል ነው፡፡ ሰው በመሆናችን ጥፋት እንሰራለን ፤ትልቁና ዋናው ነገር ግን ለጥፋታችን ይቅርታ ለመጠየቅ ወደ ኋላ አለማለታችን ነው፡፡ ከትዳር አጋርዎ ጋር ባለዎት ግንኙነት የበላይነት የሚስማዎት ወይም ይህ የሚያንፀባርቁ ከሆነ ግንኙነታችሁ በጥሩ ሁኔታ ወደፊት ሊገፋ እንደማይችል ከወዲሁ ይወቁት፡፡ በዚህ ሁኔታ ከራሰዎጋር ትግል ውስጥ ገብተው ከሆነ እስቲ ይህችን ቀላል ልምምድ ይሞክሯት፡- እርሳስ ያንሱና የትዳር አጋርዎ ከእርስዎ በላይ እና ጥሩ አድርጎ ሊሰራቸው ወይም ልትሰራቸው የሚችሉ 3 ነገሮችን ይፃፉ፡፡ ይህ ቀላል ልምምድ ዘላቂ መፍትሄ ሊሰጥዎት ይችላል እና አሁኑኑ ይሞክሩት፡፡ እንደ አስፈላጊነቱም ይደጋግሙት፡፡
4. ትእግስት / ይቅር ባይነት
በተራ ቁጥር 3 ማንም ፍፁም አይደለም እንዳልነው ሁሉ ጥፋት በሚያጋጥም ጊዜ ትዕግስትና ይቅር ባይነት ሁሌም በትዳር ግንኙነት ውስጥ ያስፈልጋሉ፡፡ ውጤታማ ትዳር ውስጥ ያሉ ሰዎች ማለቂያ የሌለው ትእግስት እና ይቅር ባይነትን መተግበር ይማራሉ፡፡ ያለፈን ስህተት እያነሱ የትዳር አጋራቸውን በቆየ ጥፋት እነዲሰቃዩ ወይም እንዲታገቱ አያደርጉም፡፡
ለጥፋቱም ምንም አይነት ካሳም ሆነ በቂም በቀል ተነሳስተው የሚያደርጉት አንዳችም መጥፎ ነገር አይኖርም።በትዳር አጋርዎ የተስራብዎን ጥፋት እስካሁን ቂም ይዘው ከሆነ አሁኑኑ ይቅር ይበሏቸው፡፡ ይህም ልብዎን እና የትዳር ግንኙነትዎን ከማናቸውም አላስፈላጊ ነገሮች የፀዳ እና መልካም ያደርግልዎታል፡፡

Leave a Reply

Your email address will not be published. Required fields are marked *